NA ARAFA MOHAMED

MKUU wa Wilaya ya Mjini, Marina Joil Thomas, amesema watahakikisha wanafanya jitihada ya kuwasaidia waendesha boti za kutembeza watalii, katika meneo ya Forodhani, na Malindi, katika suala la ulinzi na usalama ndani ya bahari.

Aliyasema hayo, mara baada ya kumalizika kwa ziara ya   uwangalizi wa maboti    kwa watembeza     watalii huko forodha   mchanga   na   Malindi.

Alifahamisha   kuwa ni vyema   Serikali ya   Wilaya hiyo   ikafanya jitihada   ya kuhakikisha   inawapatia vyombo vya   ulinzi   na usalama, wakati   yanapotokea matatizo ili waweze   kusaidiana   na kuongeza   watalii   zaidi   nchini. Hata hivyo,   amewataka   waendesha   boti   hao   kuwa   na   kauli   nzuri kwa watalii na kuutunza utamaduni wa kizanzibari hasa   katika   suala la mavazi kwa watalii hao.

 Nao baadhi ya waendesha maboti hayo walisema         kutopewa   elimu   ya kutosha juu ya suala la   uwokozi   kwa   watalii, ikiwemo zimamoto na uwokozi    inapelekea kutokea baadhi   ya madhara na kusababisha kuwa na uwoga wa   kuendesha maboti hayo. 

Aidha   wamesema kuwa   kutopewa   elimu   ya kutosha juu ya suala la uwokozi   kwa watalii   hao ikiwemo suala  la  zima  moto    inapelekea  kutokea  baadhi  ya  madhara  na  kusababisha  kuwa  na  uwoga  wa  kuendesha  maboti  hayo.  

Wakizungumza  baadhi  ya  wajumbe  wa  kamati  ya  ulinzi  na usalama  wa Wilaya  ya  Mjini  walisema,   ni  vyema   kwa vyombo  vyote  viwe  na  vifaa vya  uwokozi  ili  kuondokana  na  vifo  visivyokuwa   vya  lazima.