KAMPALA,UGANDA
WIZARA ya Mambo ya nje Uganda imeanzisha uchunguzi wa kuwatambua wafanyakazi katika Ubalozi wa Uganda nchini Denmark iliyoingizwa katika mpango wa kuingiza pesa za Serikali.
Wizara hiyo ilisema kuwa haivumilii ufisadi na kwamba utumiaji wa fedha za umma lazima uzingatie kanuni za uwazi na ufanisi.
“Wizara inapenda kuelezea wasiwasi mkubwa juu ya madai yaliyomo katika kifungu hicho na inachukulia suala hili kwa umakini.Wizara hiyo, kwa kushauriana na Katibu Mkuu au Katibu wa Hazina na Mkaguzi Mkuu wa Hesabu za Serikali, itafanya uchunguzi kamili juu ya suala hilo, “ilisema taarifa.
Ubalozi nchini Denmark ulifanya mkutano na kujadili mpango wa udanganyifu wa kushiriki pesa za ubalozi ambao hawakuweza kutumia wakati wa mwaka wa fedha wa 2019/2020 uliomalizika mwezi Juni.
Kifungu cha 17 (2) cha Sheria ya Usimamizi wa fedha za Umma (PFMA), 2005 kinaeleza kuwa taasisi ambayo haitotumia pesa iliyotengwa kwa mwaka wa fedha ifikapo mwaka mwengine wa fedha, italipa pesa hizo katika Mfuko Mkuu.
Katika mkutano huo, wanadiplomasia wa Uganda huko Denmark waliamua kwamba kila mmoja wa wanadiplomasia watatu atapata $ 3,120 (karibu Sh11.4m) .
Wakati wa mkutano huo huo,mmoja wa maofisa alipendekeza kwamba wafanyakazi wote waungane mikono kupata pesa ili kuwapa wakaguzi wakati wowote walipojitokeza kwenye ili kukomesha maswali ya ukaguzi.
Mnamo Mei 25, Mhasibu anayemaliza muda wake katika ubalozi, Alex Hope Mukubwa, alimwandikia barua Katibu Mkuu na Katibu wa Hazina, Keith Muhakanizi, akiomba waruhusiwe kuhifadhi fedha ambazo hazijatumika ambapo alikataa ombi hilo.
Vyanzo vya habari vya Denmark viliiambia Daily Monitor kwamba mawasiliano ya Muhakanizi yalisababisha wafanyakazi wa kidiplomasia kuitisha mkutano wa Zoom wakati misheni ilikuwa imefungwa kwa miezi kadhaa kutokana na Covid-19.
Miongoni mwao waliohudhuria mkutano huo ni Mkuu wa Misheni, Nimisha Madhvani, Naibu Mkuu wa Misheni Elly Kamahungye Kafeero.
