WAPENZI wasomaji wetu wa safu hii ya maakuli leo nimewatayarishia kitafunwa adimu cha crapes za stroberi, lozi na aisikirimu.

Chakula hichi ni kitamu mno nawe jaribu leo uangalie, namna ya kupika chakula hicho ni kama ifuatavyo.

VIPIMO

Unga – 2 vikombe

Baking Powder – 2 vijiko vya chai

Sukari – ½ kikombe

Yai – 1

Maziwa – 1 ¼ kikombe

Maziwa ya mvuke (evaporated milk) – ¾ kikombe

Siagi – 1 Kijiko cha supu

MJAZO

Sosi ya stroberi (strawberry filling)

Lozi

Aisikirimu (icecream) ya stroberry

NAMNA YA KUTAYARISHA NA KUPIKA

Tia unga, baking powder na sukari katika bakuli.

Weka yai, maziwa yote na siagi katika bakuli jengine na upige kwa   wiski (whisk – mwiko wa kupigia mayai) hadi ichanganyike, kisha changanya katika unga na endelea kupiga kwa wiski hadi uchanganyike vizuri na uwe nyororo.

Weka motoni kikaango kisichoganda (non-stick frying pan), moto baina ya mdogo na wastani.

Chota kwa mwiko kiasi nusu 1/3 kikombe (au takriban ½ kikombe) mimina katika kikaango.

Subiri itoe viputo (bubbles) kisha geuza upike upande wa pili. Pande zote ziive kugeuka rangi ya dhahabu.

Epua weka kando huku ukimaliza kupika mikate mingine.

Panga katika sahani na kila juu ya mkate pakaza sosi ya stroberi kisha tandaza lozi kisha weka aisikirumu pembeni ikiwa tayari.

KIDOKEZO:

Unaweza kutumia jamu ya stroberi

Kipimo Cha kiasi mikate 15

Weka aisikirimu wakati tayari kuliwa isiyayuke pindi ukiweka mapema.