KAMPALA,UGANDA
POLISI katika manispaa ya Kitgum kaskazini mwa Uganda wamemzuia diwani wa manispaa kwa madai ya kuchapisha na kuonyesha bango la kampeni ya kiongozi wa waasi wa Lord’s Resistance Army (LRA) Joseph Kony.
Peter Paul Tabu, LC III anayewakilisha wadi ya Mji katika tarafa ya Kati, manispaa ya Kitgum alikamatwa kwa madai ya kuchapisha na kuonyesha bango la kampeni iliyodaiwa.
Mamlaka ilisema alipakua bango hilo la kampeni kutoka mitandao ya kijamii akitumia simu yake kabla ya kuzichapisha.
Bango hilo ambalo lilikuwa likisambazwa kwenye mitandao ya kijamii lilionyesha kuwa Kony alikuwa akipanga kugombea urais katika uchaguzi mkuu wa 2021.
Kamanda wa Polisi wa Wilaya ya Kitgum Tommy Eyaku, alisema bado walikuwa wakifanya mashauriano na makao makuu ya polisi ya mkoa na Wakili wa Jimbo la Mkaazi juu ya mashitaka gani ambayo wangependelea dhidi ya Tabu kabla ya kumfikisha mahakamani.
Waasi wa LRA walioongozwa na Kony walipiga vita katika nchi tano za mashariki na kati mwa Afrika kwa karibu miaka 30, na walikuwa maarufu kwa kukata miguu kama adhabu, na vile vile kuteka nyara na kubaka wasichana wadogo.Kundi hilo sasa linaaminika kuwa na zaidi ya wapiganaji mia chache.
Wakati wa vita vya miongo miwili uliofanywa na waasi kaskazini mwa Uganda, maelfu ya watu walipoteza maisha na zaidi ya watoto 30,000 walitekwa nyara,shughuli za waasi pia ziliwaacha watu wapatao milioni 1.5 wakikimbia makaazi yao.
Kati ya makamanda watano waandamizi wa LRA walioshtakiwa na ICC miaka 15 iliyopita, ni Dominic Ongwen na kiongozi wake wa zamani, Joseph Kony, ambao bado wako hai.
