NA MWANAJUMA MMANGA

MRADI wa soko la samaki Malindi unatarajia kuendelea tena ujenzi huo ifikapo  mwezi wa April mwakani 2021baada ya kusita ujenzi huo kutokana na  janga la Corona.

Mratibu wa mradi huo, Daudi Haji Pandu, kutoka Wizara ya Uchumi wa Bluu na Uvuvi, aliyasema hayo wakati akizungumza na mwandishi wa gazeti hili huko ofisini kwake Maruhubi Wilaya ya Magharib ‘A’ Unguja.

Alisema mradi huo unajengwa chini ya ufadhili wa kampuni ya JECA kutoka Japan kwa ajili ya kuendelea na ujenzi huo ambae pia ni mkandarasi.

Alisema wakati janga la corona lilipoanza  serikali ya Japan iliwataka raia wake kurudi nchini kwao, na hadi sasa hawajaruhusiwa kutokana bado janga hilo kuendelea hadi leo.

Alisema wanategemea ujenzi huu kuendelea mwezi wa nne na matarajio yao mkandarasi huyo kurudi kipindi hicho kwa ajili ya kuanza ujenzi huo katika sehemu walioiacha.

“Tunachomsubiri  hivi sasa ni mfadhili tu ni taasisi ya JECA kutoka Japan kwa ajili ya  kuendelea na ujenzi huo.

Alisema kazi inayofuata ni ujenzi wa jingo la ofisi na sehemu ya kufanyia biashara wa mnada wa samaki.

Alisema kazi kuwa tayari hatua kubwa iliyofikiwa ya mradi huo ikiwemo  uwekaji wa nguzo za banda la kupumzikia wafanyabiashra wa soko hilo umeshakamilika pamoja na  uzikaji  wa vyuma  kwa ajili ya kuzuia  maji  pamoja na uwekaji sakafu.

Alisema ujenzi huo  umegawika katika sehemu mbili ambapo sehemu ya kwaza  utahusisha ujenzi wa soko   ambao  utajumuisha   eneo la   ofisi, kuuzia   samaki, sehemu  ya kuhifadhia  nyavu,  jenereta  na  chumba cha baridi   na sehemu ya pili   ni  ujenzi  wa  bandari ya uvuvi  ya kisasa ( diko)  ambayo  itahudumia  boti mbali mbali  za  wavuvi wa Zanzibar.

Alisema  mradi huo unatarajiwa endapo utakamilika utagharimu Dola za Kimarekani milioni  9,291,176 ambapo mradi huo endapo utamalizika utaweza kusaidia kuwawezesha wadau wanaotumia diko la la malindi kuuzia na kununulia samaki wao wakiwa salama kiafya.

Alisema pia mazingira mazuri ya kuwekea vyombo vya wavuvi na biashara kwa wavuvi na wachukuzi, madalali, wauzaji wadogo wadogo na wanunuzi.

Alisema matarajio ya soko hilo litakapomalizika litaweza kutoa ajira kwa wafanyabiashara 6,500 watatumia eneo hilo na zaidi ya wananchi 6,000 wa zanzibar watafaidika na mradi huo moja kwa moja na zaidi ya wazanzibar laki tisa watafaidika  na mradi huo.

Alisema pamoja na mafanikio makubwa yaliyofikia mradi huo, hivyo amewashauri wananchi  na wavuvi walioupisha ujenzi huo kuendelea kuwa wastahamilivu  na kuendelea kutoa msaada pale ambapo inapohitajika.