JOHANNESBURG, Afrika Kusini
MSHAMBULIAJI wa Mamelodi Sundowns, Gaston Sirino, amezungumza kwa mara ya kwanza tangu mapendekezo ya uhamisho wake kwenda Al Ahly kushindwa.
Sirino alifanya azma ya kujiunga na kocha wake wa zamani, Pitso Mosimane huko Al Ahly inayojulikana na mabingwa wa Misri walifungua mazungumzo na Sundowns juu ya huduma ya mchezaji huyo raia wa Uruguay.
Sakata la uhamisho liliendelea kwa miezi kadhaa na Sirino aliripotiwa kuchochea kuhama klabu hiyo ya Afrika Kaskazini na alikosa pia kufanya mazoezi.
Sundowns ilitoa taarifa mwezi uliopita na kuweka wazi Sirino atabakia klabuni hapo baada ya mabingwa hao wa PSL kushindwa kufikia makubaliano na Al Ahly kuhusu ada ya uhamisho.
Sirino anaonekana kukubali hatima yake kwa miamba ya Tshwane baada ya kurudi uwanjani dhidi ya Baroka FC mapema mwezi huu na ilikuwa mara yake ya kwanza kuonekana kwa PSL msimu huu.
Sirino anaonekana kukubali hatma yake na miamba ya Tshwane baada ya kurejea uwanjani dhidi ya Baroka FC mapema mwezi huu na ilikuwa mara yake ya kwanza kuonekana PSL msimu huu.
“Ninajisikia furaha kurudi uwanjani baada ya kuwa nje kwa muda mrefu,” Sirino aliiambia tovuti rasmi ya klabu.
“Ni hisia nzuri kurudi na kusaidia timu kwa kufunga goli au usaidizi wakati wowote ninaweza na ninataka tu kwenda nje na kufanya kazi kwa bidii kwa klabu”.
Mchezaji huyo wa miaka 29 ameweza kuisaidia Masandawana kudumisha mwanzo wao wa kutoshindwa hadi msimu wa sasa wa ligi.
Sirino, ambaye amecheza michezo mitatu ya ligi na kutoa msaada mmoja, ana nia ya kushinda mataji na miamba ya Tshwane baada ya kuisaidia klabu kutwaa taji la nyumbani msimu uliopita.(Goal).
