TIRANA, ALBANIA
CHAMA tawala cha ujamaa cha Albania (SP) kimeshinda uchaguzi wa bunge uliofanyika Jumapili kwa muhula wa tatu, kulingana na matokeo ya hivi karibuni yaliyochapishwa na Tume ya Uchaguzi Kuu (CEC).
Kwa zaidi ya asilimia 99 ya kura zilizohesabiwa, chama tawala cha SP kinachoongozwa na Waziri Mkuu Edi Rama kimeshinda asilimia 48.51 au zaidi ya kura 750,000 katika ngazi ya kitaifa, au viti 74 katika bunge lenye viti 140, kulingana na matokeo ya CEC, hiyo ingeruhusu SP kuunda serikali peke yake.
Chama kikuu cha upinzani cha Democratic Party (DP) kimeshika nafasi ya pili kwa asilimia 39.36 au jumla ya kura zaidi ya 615,000, kupata viti 59 vya bunge.
Wakati huo huo, chama cha muungano wa Ujamaa ya Ushirikiano (SMI) ilishika nafasi ya tatu kwa kupata asilimia 6.81 ya kura, ikifuatiwa na Chama cha Social Democratic na asilimia 2.27 ya kura.
Maelfu ya wafuasi wa SP walikusanyika Jumanne alasiri katika Uwanja kuu wa Skanderbeg katika mji mkuu wa Tirana kusherehekea ushindi wa chama tawala cha SP.
“Huu ni ushindi mkubwa zaidi, lakini pia ushindi mkubwa na mzuri zaidi wa SP ya Albania,” Rama alisema katika hotuba yake iliyozungukwa na umati mkubwa wa wafuasi wanaopeperusha bendera za taifa.
Rama alimtaka kiongozi wa DP Lulzim Basha kukubali matokeo ya uchaguzi, akisisitiza matamko ya awali yaliyotolewa wakati wa kampeni ya “njia tofauti ya utawala kwa kushirikiana na upinzani.”
Basha hakukataa kushindwa katika hotuba yake ya kwanza kwa umma kufuatia siku ya kupiga kura, lakini alitangaza kwamba uchaguzi huu ulikuwa “mauaji ya uchaguzi,” akimshutumu mshindi wake kwa kuendesha mchakato wa kupiga kura.
Rais Ilir Meta alihutubia raia wa Albania Jumanne, akisema kwamba “Aprili 25 inaweza kutumika kwa demokrasia na utulivu wa nchi.”
Upigaji kura wa awali katika uchaguzi wa Jumapili ulikuwa karibu asilimia 48, kulingana na CEC.
Upigaji kura unachukuliwa kuwa muhimu kwa njia ya Albania kuelekea Jumuiya ya Ulaya (EU), kwani nchi hiyo ndogo ya Balkan inatarajia kuzindua mazungumzo kamili ya uanachama na EU baadaye
