ZASPOTI
MLINDA mlango wa Kaizer Chiefs, Bruce Bvuma, anahisi kuwa kucheza fainali ya Ligi ya Mabingwa Afrika dhidi ya Al Ahly kutaongeza umaarufu wake kama mwanasoka.
Mchezaji huyo mwenye umri wa miaka 26 anahisi kuwa timu ya kiwango cha Chiefs inapaswa kucheza kwenye michuano ya klabu bora ya Afrika kila mwaka.
Bvuma alikuwa shujaa katika ushindi wa bao 1-0 dhidi ya Wydad Casablanca katika mchezo wa kwanza wa nusu fainali nchini Morocco.
Miamba hiyo ya Soweto ilitinga fainali ya kombe hilo kwa ushindi wa jumla wa goli 1-0 dhidi ya mabingwa mara mbili wa Afrika, Wydad.
“Nina furaha kuwa sehemu ya timu ambayo itacheza fainali ya Ligi ya Mabingwa. Hisia ya kuwa katika fainali bado haijaingia.
“Ligi ya Mabingwa ni mashindano makubwa barani, na ni heshima kuiwakilisha nchi yetu katika mechi kubwa ya msimu”, alisema”.
Bvuma anaamini kwa kuwa katika fainali, ambayo itafanyika Jumamosi wiki ijayo, itaongeza thamani yake na ya wachezaji wenzake.
“Ninaamini kwamba itaongeza wasifu wetu na kutuweka hapo juu. Kila mchezaji anataka kukua katika taaluma yake, na hii itaongeza CV yangu.
“Nataka kuwa mchezaji ambaye alicheza kwenye fainali ya kombe la bara. Ninaamini kwamba tutashinda fainali na kumrudisha nyota nyumbani. Tuna msaada mkubwa kurudi nyumbani, na hiyo inatuhamasisha kufanya vizuri’, alisema.
Amakhosi watacheza dhidi ya timu inayofundishwa na kocha wa Afrika Kusini, Pitso Mosimane, na Bvuma alisema anajua kazi ngumu ya kumshinda raia mwenzao katika fainali kubwa
“Al Ahly ni timu kubwa na yenye mafanikio makubwa kwenye mashindano. Wametawala mashindano, lakini, sisi pia ni timu nzuri na tunakwenda huko kufanya maonyesho ya kiwango na kushinda mchezo. Tunategemea msaada nyumbani. Tuna mshangao mbaya kwao katika uamuzi”, aliongeza Bvuma.
Mechi hiyo inayotarajiwa kuwa na upinzani mkali itachezwa kwenye uwanja wa Mohammed V mjini Casablanca, Morocco. (Goal).
