ZASPOTI
BAADA ya miaka tisa ya kusubiri, klabu ya soka ya Express imetawazwa mabingwa wa Ligi Kuu ya Uganda ya 2020/21 kufuatia uamuzi wa Kamati ya Utendaji ya Dharura ya FUFA iliyokutana Kampala juzi.
Huku nchi ikiwa imewekwa chini ya siku 42, shughuli za michezo pamoja na mpira wa miguu zilisimama, pamoja na Ligi Kuu ya Uganda ambayo ilikuwa imebakisha raundi nne kumalizika.
Maofisa wakuu wa FUFA waliona inafaa kumaliza msimu na kwa hivyo kuibua kifungu cha 18, kifungu cha C na D cha sheria za mashindano juu ya hali kama hizo.
“Kamati ya Utendaji ya Dharura ya FUFA imechukua uamuzi wa kumaliza Ligi Kuu ya Uganda ya StarTimes ya 2020/21 kulingana na Kifungu cha 18, Kifungu cha 1, Sehemu ndogo ya C & D ya sheria za Mashindano ya FUFA”, ilisomeka taarifa kwenye tovuti ya FUFA.
Hii inamaanisha kwamba Express FC ambao walikuwa juu ya msimamo kwa pointi 58 wakati ligi iliposimamishwa wanatangazwa mabingwa.
Hilo ni taji la saba la ligi kwa ‘Red Eagles’ na la kwanza tangu msimu wa 2011/12. Hii inawapa tiketi ya msimu ujao wa Ligi ya Mabingwa ya CAF.
URA FC ambao walikuwa wa pili kwenye msimamo, pointi moja nyuma ya Express FC wataiwakilisha Uganda kwenye Kombe la Shirikisho la CAF.
Ikumbukwe kwamba wakati shughuli za michezo ziliposimamishwa, Kombe la Uganda lilikuwa limechezwa hadi hatua ya nusu fainali.
