LONDON, England
BONDIA, Anthony Joshua, amesisitiza kwamba hakuna mpango wowote katika pambano na Oleksandr Usyk zaidi ya ushindi tu.
Joshua anarudi uwanjani leo dhidi ya bingwa huyo wa zamani wa ‘cruiserweight’ kwenye uwanja wa Tottenham Hotspurs.
Usyk, ambaye ana ‘knockout’ 13 kutoka katika ushindi wa mara 18, hapo awali alikuwa amepambana mara mbili dhidi ya mtu mzito.
Wakati raia huyo wa Ukraine akisisitiza shinikizo liko kwa Joshua, bingwa anayetawala wa IBF, WBA na WBO, amesema hana mkakati wowote kuelekea pambano hilo.
“Nipo tayari na lengo kuu la kushinda. Lengo langu ni kukuumiza au kukupiga hadi nitakapopata ushindi,” Joshua aliiambia Sky Sports.
“Iwe ni mkono wa kulia, uppercut au jab … maadamu inaongoza kushinda. Hakuna mkakati wowote isipokuwa kushinda tu.”Usyk alimpiga Derek Chisora kwa pointi huko London mwaka jana, wakati bondia huyo mwenye umri wa miaka 34 pia alimshinda, Tony Bellew hapo awali kwenye ardhi ya Uingereza.
“Nina hali ya mwili na akili. Ninapaswa kuwa sawa. Ni hafla kubwa, shinikizo kubwa,” aliendelea Joshua, ambaye alikuwa azichape na Tyson Fury kabla ya mazungumzo kuvunjika kwa sababu ya mwisho kulazimika kumkabili Deontay Wilder katika pambano la tatu (trilogy).
